როგორ აპირებს ხელისუფლება 9 პირველად პროდუქტზე ფასების შენარჩუნებას

საქართველოს მთავრობის 185 დადგენილებით, სახელმწიფო პროგრამის დაფინანსებისთვის, თანხა გარემოს დაცვისა და სოფლის მეურნეობის სამინისტროს 2020 წლის ბიუჯეტის ასიგნებებიდან გამოიყოფა.

ეს თანხა სუბსიდიაა, რომლითაც სახელმწიფო მითითებულ სასურსათო პროდუქტებზე სავალუტო კურსის ცვალებადობით გამოწვეული ფასის ზრდის დაზღვევას შეძლებს.

დადგენილების მიხედვით, კომპანიებს, სუბსიდირების მიღების შემდეგ, პროდუქტზე ფასის ზრდის შემთხვევაში, 10 000 ლარის ოდენობით დაეკისრებათ.
პირველად დავალება პროდუქტზე ფასების შენარჩუნების მიზნით საქართველოს პრემიერ მინისტრმა გიორგი გახარიამ 18 მარტს გასცა.

გადაწყვეტილება მთავრობამ ახალ კორონავირუსთან დაკავშირებული ვითარების და ლარის მკვეთრი გაუფასურების გამო მიიღო.

საქართველოში 25 მარტის მონაცემებით კორონავირუსის 73 შემთხვევაა დადასტურებული. 10 პაციენტი უკვე გამოჯანმრთელებულად მიიჩნევა. კარანტინის რეჟიმში 4055 პაციენტი იმყოფება, ხოლო სტაციონალური მეთვალყურეობის ქვეშ - 252. ქვეყანაში მოქმედებს საგანგებო მდგომარეობა, მარნეულისა და ბოლნისის მუნიციპალიტეტები ჩაკეტილია და გამოცხადებულია კარანტინის ზონებად.

[ნუკა სტეფნაძე, ახალციხე]