ასპინძაში ადგილობრივმა თვითიზოლაციის წესები დაარღვია

ასპინძის საზოგადოებრივი ჯანდაცვის ცენტრის ინფორმაციით, დაბა ასპინძაში თვითიზოლაციაში მყოფმა ადგილობრივმა წესი დაარღვია და გარეთ გავიდა, რის შემდეგაც მეზობლებმა პოლიციას აცნობეს.

„საეჭვო ზონიდან, მაღალი რისკის მქონე ერთ-ერთი მუნიციპალიტეტიდან იყო ჩამოსული და თვითიზოლაციაში ამიტომ იმყოფებოდა. თუ არ ვცდები ახალციხეში არსებულ საკარანტინო ზონაში გადაიყვანეს“,- გვითხრა ცენტრის ხელმძღვანელმა, მზია პაპაშვილმა.
ასპინძაში თვითიზოლაციაში 40 ადმიანი იმყოფება.

25 მარტის მონაცემებით, საქართველოში კორონავირუსის 73 დადასტურებული შემთხვევაა. კარანტინშია 4 055 ადამიანი.

[მარიამ ბარძიმაძე,ასპინძა]