ახალქალაქში პირმა თვითიზოლაციის წესები დაარღვია

შემთხვევა გუშინ, 19 მარტს საღამოს მოხდა. ამბავს jnews.ge ავრცელებს.

„გუშინ დამირეკეს პოლიციიდან რომ ადგილობრივმა თვითიზოლაცია დაარღვია. პოლიციას აუყვანია. ერევნიდან იყო ჩამოსული, თუმცა ადგილობრივია, გავაგზავნეთ აბასთუმანში“, – განაცხადეს ახალქალაქის საზოგადოებრივი ჯანდაცვის ცენტრში.

სამცხე–ჯავახეთის მასშტაბით საკარანტინო სივრცე მხოლოდ აბასთუმნის ცენტრშია, აქ 14 დღიანი დაკვირვებისთვის მოქალაქეები 27 თებერვლიდან შეჰყავთ.

საქართველოში ამ დროისათვის, თვითიზოლაციის წესების დარღვევის გამო, საკარანტინო ზონებში, იძულების წესით, ჯამში, 141 ადამიანია გადაყვანილი.

საქართველოში კორონავირუსის 43 დადასტურებული შემთხვევაა. 1925 ადამიანი კარანტინის რეჟიმშია, ხოლო სტაციონალური მეთვალყურეობის ქვეშ 271. გამოჯანმრთელების ერთი შემთხვევა ფიქსირდება.

თვითიზოლაციის წესების დარღვევის შემთხვევაში დარეკეთ:

შინაგან საქმეთა სამინისტრო: 112
ჯანდაცვის სამინისტროს ცხელი ხაზი: 1505
დაავადებათა კონტროლის ეროვნული ცენტრის ცხელი ხაზი: 116 001

ამავე თემაზე:

რა უნდა გაითვალისწინოთ თვითიზოლაციაში ყოფნის დროს – რეკომენდაციები

თვითიზოლაციის დარღვევისთვის ფიზიკური პირი 3 000 ლარით დაჯარიმდება

რა სიმპტომები აქვს კორონავირუსს და როგორ დავიცვათ თავი ინფექციისგან?


[მარიამ ბარძიმაძე, ახალქალაქი]