ასპინძაში მოქალაქემ თვითიზოლაციის წესები დაარღვია

„დიახ დაარღვია თვითიზოლაცია და კარანტინში გადაიყვანეს“,-გვითხრა ასპინძის საზოგადოებრივი ჯანდაცვის ცენტრის ხელმძღვანელმა, მზია პაპაშვილმა.

დაკავებული პირი აბასთუმნის ფილტვის ცენტრში არსებულ საკარანტინე ზონაში გადაჰყავთ.

„დაგვირეკეს და ველოდებით რომ შემოიყვანონ“, - გვითხრეს ფილტვის ცენტრში.

აღნიშნულს შინაგან საქმეთა სამინისტროში არ გვიდასტურებენ. „დაელოდეთ უწყება ამბავს გაავრცელებს“, - თქვეს შსს-ში.

შსს–ს ინფორმაციით, 17 მარტს ერთობლივი მონიტორინგის შედეგად, თვითიზოლაციის წესების დარღვევის კიდევ 28 ახალი ფაქტი გამოვლინდა.

თბილისში, იმერეთის, სამეგრელოს, კახეთის , მცხეთა-მთიანეთის, ქვემო ქართლის, შიდა ქართლის , სამცხე-ჯავახეთის, გურიისა და აჭარის რეგიონებში მოქალაქეები, რომლებმაც თვითიზოლაციის წესები დაარღვიეს, საკარანტინო ზონაში იძულებით არიან გადაყვანილი.

თვითიზოლაციის წესების დარღვევის გამო, საკარანტინო ზონებში, იძულების წესით, ჯამში, 99 ადამიანია გადაყვანილი.

[მარიამ ბარძიმაძე, ასპინძა]