როგორ უნდა დაიცვან ბანკებმა, აფთიაქებმა და სავაჭრო ობიექტებმა უსაფრთხოება - რეკომენდაციები - COVID-19

სამინისტრო ასევე მოუწოდებს სამომხმარებლო სექტორს, რომ ობიექტებზე ეტაპობრივად შეუშვან მომხმარებლები, ან დააწესონ განსაზღვრული არეალი. რეკომენდაციების მიხედვით, სამუშაო მაგიდებზე, იქ სადაც თანამშრომლებს მოქალაქეებთან უწევთ კონტაქტი უნდა დამონტაჟდეს გამჭვირვალე დამცავი ბარიერი; თანამშრომლები ასევე უზრუნველყოფილნი უნდა იყვნენ ხელთათმანებით.

ჯანდაცვის სამინისტროს რეკომენდაციები მოიცავს დეტალურ ინფორმაციას დამსაქმებლებისა და დასაქმებულებისთვის.

ამონარიდი დოკუმენტიდან:

პერსონალი არ უნდა გამოცხადდეს სამუშაო ადგილზე იმ შემთხვევაში, თუ:

• მათ დატოვეს ვირუსის გავრცელების ქვეყნები ბოლო 14 დღის განმავლობაში;
• ბოლო 14 დღის განმავლობაში მჭიდრო კონტაქტში იმყოფებოდნენ კორონავირუსის მატარებელ პირთან/პირებთან (მათ უნდა გაიარონ თვითიზოლაცია/კარანტინი შესაბამისად დადგენილი წესით);
• აღენიშნებათ რესპირატორული ინფექციისთვის დამახასიათებელი სიმპტომები (ხველა, ტემპერატურა, ცემინება, სუთქვის გაძნელება, საერთო სისუსტე და ა.შ.);
• მიეკუთვნებიან COVID-19-ით დაინფიცირებისა და გართულებების მაღალი რისკის მქონეებს: 70 წელს გადაცილებული, აგრეთვე, ქრონიკული დაავადებების (გულ-სისხლძარღვთა დაავადებები, დიაბეტი, ბრონქული ასთმა და სასუნთქი ორგანოების სხვა დაავადებები) მქონე პირები.

უწყება მოუწოდებს მომსახურების სექტორს ობიექტებზე ზედმიწევნით დაიცვან რეკომენდაციები და ჰიგიენა.

სრულად რეკომენდაციები იხილეთ აქ:

25 მარტის 13:00 საათის მონაცემებით, საქართველოში კორონავირუსის 73 დადასტურებული შემთხვევაა. გამოჯანმრთელებულია 10 პაციენტი. ქვეყანაში მოქმედებს საგანგებო მდგომარეობა.

[sknews.ge]