'ამ ეტაპზე საფუძველი არ არსებობს არჩევნების გადავადების' –არჩილ თალაკვაძე

არჩილ თალაკვაძემ აღნიშნულის შესახებ „რუსთავი 2-ის“ ეთერში ისაუბრა.

“საკონსტიტუციო ცვლილებებთან და კანონმდებლობასთან დაკავშირებით მიღწეულია შეთანხმება და მიღებულია კონსენსუსზე დაფუძნებული გადაწყვეტილება. ჩვენ გვქონდა ოპოზიციასთან კონსულტაციები, პირდად მე მოვიწვიე ყველა საპარლამენტო პოლიტიკური ჯგუფი და მათთან ერთად მქონდა განხილვა. ასე რომ, ამ მომენტისთვის არ არსებობს პირდაპირი საფრთხე, რომ საკონსტიტუციო ცვლილებების განხორციელება ჩვენ ვერ შევძლოთ. თუ საჭირო იქნება, ვიმუშავებთ ივნისის ბოლომდე და ვიმუშავებთ ივლისშიც, რათა ეს ცვლილებები მივიღოთ და არჩევნები ჩატარდეს შეთანხმებული სისტემით”, – განაცხადა პარლამენტის თავმჯდომარემ.

მისი განმარტებით, არჩევნების გამართვა საგანგებო სიტუაციის შეჩერებიდან 60 დღის შემდეგ უკვე შესაძლებელია.

საპარლამენტო არჩევნები საქართველოში ოქტომბერში გაიმართება.

[sknews.ge]