გამყრელიძე: სოციალური დისტანცირება ინფექციასთან ბრძოლის ყველაზე ძლიერი იარაღია

„ჯერჯერობით სამ კვირაზე მეტია დაფიქსირდა ქვეყანაში პირველი შემთხვევა. ვპროგნოზირებდით რომ ზრდა გვექნებოდა და დაახლებით მივდივართ იმ პროგნოზის ფარგლებში, რაც ჩვენი ერთ–ერთი სცენარით იყო განსაზღვრული. სოციალური დისტანცირება ინფექციასთან ბრძოლის ყველაზე ძლიერი იარაღია. სწრაფი ეპიდაფეთება ჯერ– ჯერობით არ ფიქსირდება“,-ამბობს გამყრელიძე.

ამის შესახებ გამყრელიძემ კორონავირუსთან დაკავშირებით მოქმედი უწყებათაშორისი საკოორდინაციო საბჭოს ჯანდაცვის თემატური ჯგუფის შეხვედრის შემდეგ განაცხადა.

საქართველოში კორონავირუსის 54 დადასტურებული შემთხვევაა. კარანტის რეჟიმში 2956, ხოლო სტაციონალურ მეთვალყურეობის ქვეშ 291 პირია. გამოჯანმრთელების სამი ფაქტია დაფიქსირებული.

[sknews.ge]