თვითიზოლაციის წესების დარღვევისთვის იძულებით კარანტინში 22 ადამიანი გადაიყვანეს

უწყების ინფორმაციით, თბილისიდან, ასევე იმერეთის, სამეგრელოს, კახეთის, მცხეთა-მთიანეთის, ქვემო ქართლის, შიდა ქართლის, სამცხე-ჯავახეთის, გურიისა და აჭარის რეგიონიდან 22 მოქალაქე, რომლებმაც თვითიზოლაციის წესები დაარღვიეს იძულებით საკარანტინო ზონაშია გადაყვანილი.

ამ დროისათვის, თვითიზოლაციის წესების დარღვევის გამო, საკარანტინო ზონებში იძულების წესით 71 ადამიანია გადაყვანილი.

"საქართველოს ტერიტორიაზე მყოფი ყველა პირი ვალდებულია დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს და პატივი სცეს საზოგადოებრივი ჯანმრთელობის სამსახურის გადაწყვეტილებებს", – ნათქვამია შსინაგან საქმეთა სამინისტროს მიერ გავრცელებულ განცხადებაში.

საქართველოში კორონავირუსის 34 შემთხვევაა დაფიქსირებული. კარანტინის რეჟიმში 1008 პირი იმყოფება, სტაციონარში მეთვალყურეობის ქვეშ კი 64.
სამცხე-ჯავახეთში თვითიზოლაციაში მყოფი პირების რაოდენობა 50-მდე გაიზარდა.

ასევე გირჩევთ:

როგორია კორონავირუსის სიმპტომები და რა შემთხვევაში უნდა მიმართოთ ექიმს?

რით განსხვავდება ერთმანეთისგან COVID-19 და გრიპი?

70 წელს ზემოთ მოქალაქეებს ურჩევენ, რომ თავშეყრის ადგილებს მოერიდნონ


[sknews.ge]