‘რეგულაციები ჩვენს რეგიონშიც ამოქმედდება’- ბესიკ ამირანაშვილი მიკროავტობუსების მოძრაობის აკრძალვაზე

სამხარეო ადმინისტრაციაში,რწმუნებული გაფართოებულ თათბირს ხვალ, 18 მარტს 12:00 საათზე გამართავს. შეხვედრას მუნიციპალიტეტების მერები,საკრებულოს თავმჯდომარეები, საგანმანათლებლო რესურსცენტრების დირექტორები, ბაღების გაერთიანების ხელმძღვანელი პირები, სამცხე-ჯავახეთის პოლიციის დეპარტამენტის დირექტორი და შსს საპატრულო პოლიციის დეპარტამენტის სამცხე-ჯავახეთის მთავარი სამმართველოს უფროსი დაესწრებიან.

„ტრანსპორტთან და სხვა საკითხების თაობაზე ხვალ დილით მაქვს შეხვედრა მუნიციპალიტეტბის მერებთან და სამსახურის უფროსებთან, რა თქმა უნდა ყველა რეგულაცია ამოქმედდება ჩვენს რეგიონში. ასევე ვისაუბრებთ ალტერნატიულ გზებზეც“,-ამბობს ამირანაშვილი.

კორონავირუსის გავრცელების პრევენციის მიზნით საქართველოს მთავრობამ ხვალიდან, 18 მარტიდან მიკროავტობუსების გადაადგილება აკრძალა.

სამცხე-ჯავახეთის რეგიონში მომუშავე სატრანსპორტო კომპანიის ხელმძღვანელების თქმით, ამ ეტაპზე რაიმე სახის შეზუდვის შესახებ ინფორმაცია მათ არ აქვთ.

"მგზავრების რაოდენობამ იკლო, თუმცა ჯერ არავინ დაგვკავშირებია რომ მოძრაობა შევაჩეროთ“,-გვითხრეს ახალციხის ავტოსადგურზე.

[მარიამ , ახალციხე]