კორონავირუსს მსოფლიოს 209 ქვეყანა ებრძვის

worldometers–ის 23:40 საათის მონაცემებით, ჩინეთში, სადაც ეპიდემია თავდაპირველად გავრცელდა, შემთხვევებთან ერთად მკვეთრად შემცირდა გარდაცვალების მაჩვენებელიც. COVID 19–ის ფართოდ გავრცელების შემდეგ, დღეს ჩინეთში ორი გარდაცვალების შემთხვევა დაფიქსირდა.

ინფიცირების ყველაზე მეტი შემთხვევა აშშ–ში ფიქსირდება, ამ დროის მონაცმებით, კორონავირუსით 420 260 ადამიანი დაინფიცრდა.
ევროპაში ყველაზე მაღალი ინფიცირება ესპანეთში დაფიქსირდა. აქ 146 690 ინფიცირებულიდან, 48 021 გამოჯანმრთელდა, ხოლო 14 673 გარდაიცვალა.

ბოლო ერთი კვირის მაჩვენებლით, საფრანგეთსა და იტალიაში გარდაცალების რაოდენობა შედარებით იკლებს. დღე–ღამის განმავლობაში, იტალიაში 542 ადამიანი გარდაიცვალა, ხოლო საფრანგეთში 541.

იტალიაში 139 422 ინფიცირებულიდან 26 492 პაციენტი გამოჯანმრთელდა. რაც შეეხება საფრანგეთს, 112 950 დაინფირებულიდან ვირუსი 21 254 ადამიანმა დაამარცხა.

ბოლო 24 საათში, კორონავირუსით გარდაცვალების ყველაზე მაღალი მაჩვენებელი აშშ–ში დაფიქსირდა. აქ ვირუსს 1 521 ადამიანი ემსხვერპლა. ამ დროის მონაცემებით, გარდაცვალების მაჩვენებელი მაღალია გაერთიანებულ სამეფოშიც - დღე–ღამის განმავლობაში 938 ადამინი.

იხილეთ მსოფლიოს ხუთი ქვეყანა, სადაც ყველაზე მაღალი ინფიცირების ფაქტი დაფიქსირდა. ასევე ინფიცირებული პაციენტების გამოჯანმრთელებისა და გარდაცვალების შემთხვევებია ნაჩვენები.

აშშ: შემთხვევა – 420 260; გამოჯანმრთელებული – 22 187; გარდაცვლილი – 14 362;

ესპანეთი: შემთხვევა –146 690; გამოჯანმრთელებული – 48 021; გარდაცვლილი – 14 673;

იტალია: შემთხვევა – 139 422; გამოჯანმრთელებული – 26 491; გარდაცვლილი – 17 669;

საფრანგეთი: შემთხვევა 112 950; გამოჯანმრთელებული – 21 259; გარდაცვლილი – 10 869;

გერმანია: შემთხვევა – 110 698; გამოჯანმრთელებული - 36 081; გარდაცვლილი - 2 192;

საქართველოში, 8 აპრილის 23:40 საათის მონაცემებით, კორონავირუსის 211 შემთხვევაა დადასტურებული 50 პაციენტი უკვე გამოჯანმრთელებულად მიიჩნევა. კარანტინის რეჟიმში 4 559 პაციენტი იმყოფება, სტაციონალური მეთვქლყურეობის ქვეშ - 373, ხოლო გარდაცვლია სამი პაცინეტი.

[ნუკა სტეფნაძე, ახალციხე]