სამცხე–ჯავახეთის უნივერსიტეტში სწავლა შეწყდა

ორშაბათს, ორ მარტს უნივერსიტეტში განმარტეს, რომ არდადეგები ცხრა მარტიდან დაიწყებოდა, თუმცა მოგვიანებით გადაწყვეტილება შეცვალეს.

უნივერსიტეტის სამივე სასწავლო კორპუსში, ასევე, პროფესორ-მასწავლებელთა და სტუდენტთა საერთო საცხოვრებელში დაიწყო მზადება სადეზინფექციო სამუშაოების შესაბამისი სტანდარტით ჩაატარებისთვის.

ცნობისთვის, კორონავირუსის გავრცელების თავიდან აცილების მიზნით, ქვეყნის მასშტაბით, სკოლებსა და ბაღებში სასწავლო პროცესი ორი კვირით, 2–დან 16 მარტამდე შეწყდა. საქართველოში კორონავირუსის სამი შემთხვევაა დაფიქსირებული.

რა სიმპტომები აქვს კორონავირუსს და როგორ ავიცილოთ თავიდან ინფიცირება – წაიკითხეთ ჯანდაცვის მსოფლიო ორგანიზაციის რეკომენდაციები.

[sknews.ge]