კორონავირუსის გამო სამცხე-ჯავახეთში დაგეგმილი ღონისძიებები უქმდება

მთავარი → სიახლე, საზოგადოება 02.03.2020

კორონავირუსის გავრცელების გამო, საგანგებო მდგომარეობიდან გამომდინარე, სამცხე-ჯავახეთის სამხარეო ადმინისტრაცია რეგიონის მასშტაბით დაგეგმილ კულტურულ და სპორტულ ღონისძიებებს გააუქმებს.

კორონავირუსის გამო სამცხე-ჯავახეთში დაგეგმილი ღონისძიებები უქმდება

ღონისძიებების გაუქმების შესახებ ხვალ, სამ მარტს, 11:00 საათზე სამხარეო ადმინისტრაციაში, გუბერნატორის ხელმძღვანელობით შექმნილი დროებითი სამუშაო ჯგუფი იმსჯელებს.

რომელი ღონისძიებები გაუქმდება ან მომავლისთვის გადაიდება, ამას სამუშაო ჯგუფის წევრები გადაწყვეტენ.

იგი უწყებათაშორისი საკოორდინაციო საბჭოს რეკომენდაციის საფუძველზეა შექმნილი, და მასში მუნიციპალიტეტების მერები, საკრებულოს თავმჯდომარეები, რესურსცენტრების და არასამეწარმეო იურიდიული პირების ხელმძღვანელები შედიან.

გუბერნატორი, უწყებათაშორისი საკოორდინაციო საბჭოს რეკომენდაციების შესრულებასთან დაკავშირებით, ყოველდღიურ რეჟიმში სრულ ინფორმაციას აწვდის რეგიონული განვითარებისა და ინფრასტრუქტურის სამინისტროსა და პრემიერ-მინისტრის მრჩეველს რეგიონებთან ურთიერთობის საკითხებში სოზარ სუბარს.

[თაკო ფეიქრიშვილი, ახალციხე]