გიორგი გახარიამ კორონავირუსთან დაკავშირებით საგანგებო უწყებათაშორისი ჯგუფი შექმნა

ინფორმაციას საზოგადოებასთან ურთიერთობის სამსახური ავრცელებს. საკოორდინაციო ჯგუფს თავად პრემიერი უხელმძღვანელებს.

"პრემიერმა ყველა უწყების წარმომადგენლებისგან მოისმინა დეტალური ინფორმაცია ვირუსის გავრცელების თავიდან აცილების კუთხით მიმდინარე და დაგეგმილი ღონისძიებების შესახებ. საგანგებო-საკოორდინაციო ჯგუფის შეხვედრის შედეგად, ასევე მიღებულია გადაწყვეტილება, რომლის თანახმად, საჰაერო მიმოსვლასთან ერთად, ირანიდან სახმელეთო გზით შემოსვლა შეიზღუდა. აღნიშნულის შესახებ ირანულ მხარეს შესაბამისი არხების მეშვეობით უკვე ეცნობა", – ნათქვამია განცხადებაში.

საქართველოში დღეს, 26 თებერვალს კორონავირუსის პირველი შემთხვევა დაფიქსირდა. ვირუსი 50 წლამდე კაცს დაუდგინდა, რომელcც ერთი კვირის განმავლობაში ირანში იმყოფებოდა.

[sknews.ge]