აგარისა და მუსხის საბავშვო ბაღებში სწავლა კიდევ ორი კვირით გადაიდო

მუსხისა და აგარის საბავშვო ბაღებში მშენებლის მიერ სარეაბილიტაციო სამუშაოების ხარვეზებით შესრულების გამო, სასწავლო პროცესი დღეს, 15 სექტემბერს ვერ განახლდა.

„სწავლა ტექნიკური პრობლემების გამო გადაიდო, ნაწილი აღმოფრხრილია, რამდენიმე დღეში ყველაფერი გამოსწორდება და 1 ოქტომებრს სასწავლო პროცესი ორივე ბაღში დაიწყება “, – აცხადებს ახალციხის მუნიციპალიტეტის გამგებელი ზაზა მელიქიძე.

შეგახსენებთ, რომ ახალციხის მუნიციპალიტეტის მასშტაბით ბაგა–ბაღებში სწავლა 1 სექტემბერს დაიწყო, 15 სექტემბერს იგეგმებოდა სწავლის დაწყება მუსხის და აგარის ბაღებშიც.

[თინათინ ზაზაძე, ახალციხე]