სკოლის დირექტორობის მსურველთათვის ტესტირების თარიღი ცნობილია

სამინისტროს ინფორმაციით, ელექტრონული ფორმით ტესტირება ექვს და შვიდ მარტს, ოთხ სესიად ჩატარდება. პირველი სესია 09:00 საათზე, ხოლო მეორე 16:00 საათზე დაიწყება და მისი ხანგრძლივობა ოთხი საათი იქნება. რაც შეეხება მხედველობის პრობლემების მქონე დირექტორობის მსურველებს, მათ დამატებით კიდევ 30 წუთი მიეცემათ.

საჭიროებების გათვალისწინების მიზნით, შეზღუდული შესაძლების მქონე აპლიკანტებმა 27 თებერვლიდან სამი მარტის ჩათვლით, განცხადებით უნდა მიმართონ სსიპ განათლების მართვის საინფორმაციო სისტემას.

დაგვიანების, პირადობის მოწმობის ან საიდენტიფიკაციო უნიკალური კოდის არქონის შემთხვევაში, პირი ტესტირებაზე არ დაიშვება.

ტესტირება თბილისში, ტექნიკურ უნივერსიტეტსა და ინფორმაციული ტექნოლოგიების აკადემიაში ხოლო აჭარის რეგიონში, კოლეჯ „ახალ ტალღში“ ჩატარდება.

დამატებითი ინფორმაცია აპლიკანტებს შეუძლიათ მიიღონ ცხელ ხაზზე 2 200 220 (შიდა 6).

კონკურსანტის კომპეტენცია და უნარები წარმატებით დაძლეულად ჩაითვლება ტესტის მაქსიმალურ ქულათა 60%-ის დაგროვების შემთხვევაში. შეფასება განხორციელდება ტესტის დასრულებისთანავე. ტესტირებისათვის დადგენილი მინიმალური კომპეტენციის ზღვრის გადალახვის შემთხვევაში, კონკურსანტს საშუალება ეძლევა გადავიდეს გასაუბრების ეტაპზე.

[sknews.ge]