პროფსასწავლებლებში ტესტირების დღე განისაზღვრა

შეფასებისა და გამოცდების ეროვნული ცენტრის ინფორმაციით, პროფესიული ტესტირება 29 ოქტომბერს 09:00 – საათიდან ჩატარდება.
გარდა ამისა, დაგეგმილია პრეტესტის დღეც, რომელიც 28 ოქტომბერს გაიმართება. მასში მონაწილეობა ნებაყოფლობითია.

პროფესიულ ტესტირებაზე გამოცხადება სავალდებულოა, რადგან სახელმწიფო დაფინანსებით, სახელმწიფო საგანმანათლებლო დაწესებულებებში უფასო განათლების მიღების შესაძლებლობა მიეცემათ სწორედ იმ აპლიკანტებს, რომლებიც ტესტირებისას გადალახავენ მინიმალური კომპეტენციის ზღვარს.

პროფესიული ტესტირებისათვის საგამოცდო ბარათების გაცემა კი 24 ოქტომბრიდან დაიწყო. მისი მიღება შესაძლებელია პროფესიულ კოლეჯებში, პროფესიული პროგრამების განმახორციელებელ უმაღლეს სასწავლებლებში, საგანამანათლებლო რესურცენტრებსა და საინფორმაციო ცენტრებში.


ბარათზე მითითებული იქნება:

• აპლიკანტის პირადი ინფორმაცია;
• რეგისტრაციის დრო;
• საგამოცო ცენტრის მისამართი;
• ინფორმაცია პრეტესტის შესახებ.

საგამოცდო ბარათის მისაღებად თან იქონიეთ:

• სარეგისტრაციო ფურცელი;
• პირადობის დამადასტურებელი დოკუმენტი.

[sknews.ge]