საჯარო სკოლის დირექტორებისთვის სასერთიფიკაციო გამოცდები ჩატარდება

საქართველოს განათლებისა და მეცნიერების სამინისტრო საჯარო სკოლის დირექტორების სერტიფიცირების პროცესს იწყებს, რომელიც საჯარო სკოლის დირექტორების შესარჩევი კონკურსის პირველ ეტაპს წარმოადგენს.

სერტიფიცირების მსურველთა რეგისტრაცია ხვალიდან საქართველოს განათლებისა და მეცნიერების სამინისტროს ვებ-გვერდზე იქნება შესაძლებელი.

საგამოცდო ცენტრები საქართველოს ყველა რეგიონში გაიხსნება. დირექტორობის მსურველები საგამოცდო ცენტრებში საცხოვრებელი რეგიონის მიხედვით გადანაწილდებიან. ტესტირება კი ელექტრონული ფორმით ჩატარდება და შეფასება ტესტზე მუშაობის დასრულებისთანავე მოხდება.

გამოცდები, 21-22 აგვისტოს ჩატარდება. მანამდე, სამინისტროს ოფიციალურ ვებგვერდზე განთავსდება:
სასერტიფიკაციო გამოცდების ჩატარების განრიგი;
ინფორმაცია ტესტის სტრუქტურის შესახებ;
მოსამზადებლად საჭირო ლიტერატურის ნუსხა;
ინსტრუქცია ტესტირებისას კომპიუტერთნ მუშაობის წესების შესახებ;
სანიმუშო ტესტური დავალებები.
გამოცდა წარმატებით ჩაბარებულად ჩაითვლება, თუ, კონკურსანტი ტესტის მაქსიმალურ ქულათა 60%-ს დააგროვებს, რაც მას საშუალებას მისცემს გადავიდეს გასაუბრების ეტაპზე. სერტიფიცირების ორივე ეტაპის წარმატებით გავლის შემთხვევაში, დირექტორობის მსურველს დირექტორობის უფლების დამადასტურებელი სერტიფიკატი გადაეცემა, რომელიც მას საშუალებას მისცემს მონაწილეობა მიიღოს დირექტორების შესარჩევ კონკურსში.
იმ პირებს, რომლთაც 2012 წელს სერტიფიცირების ტესტირების ეტაპი წარმატებით აქვთ გადალახული, საშუალება მიეცემათ, პროცესი გასაუბრების ეტაპიდან გააგრძელონ.

[sknews.ge]