ახალციხის 5 სოფელი ახალი წყალსადენით მომარაგდება

პროექტის ფარგლებში, წინუბანში აშენდა წყლის სათავე–ნაგებობა, მაგისტრალური წყალსადენი, სალექარი, გამწმენდი ნაგებობები და საქლორატორო.

ახალი მაგისტრალური წყალსადენით წინუბნის, გურკელის, აგარის, ზიკილიის და მუგარეთის მოსახლეობა ისარგებლებს.

ახალციხის მერიაში აცხადებენ, რომ სოფელ მუგარეთში მაგისტრალური წყალსადენი ნაწილობრივ მოწყობილია. იგეგმება მეორე ეტაპი, რომლის განხორციელების შემდეგაც მუგარეთის ყველა მცხოვრები მუდმივი წყლით ისარგებლებს.

სათავე–ნაგებობა და მაგისტრალური წყალსადენი საზეიმოდ სამცხე-ჯავახეთის მხარეში სახელმწიფო რწმუნებულმა, ბესიკ ამირანაშვილმა და ახალციხის მუნიციპალიტეტის მერმა, ზაზა მელიქიძემ გუშინ, 24 თებერვალს გახსნეს.

[მარიამ ბარძიმაძე, ახალციხე]