როგორია ურავლის სათავე-ნაგებობა, საიდანაც ახალციხე წყლით მარაგდება [ფოტო]

ურავლის ხეობიდან წამოსული წყალი, წყალმიმღებით სათავე-ნაგებობის ავზებში გროვდება, რის შემდეგაც იგი ფილტრების საშუალებით იწმინდება, იქლორება და ცენტრალური მილით დასახლებებს მიეწოდება.

ამ წყლით ქალქ ახალციხის ნაწილის გარდა, სოფლები ჭაჭარაქი და მინაძეც მარაგდება. ქალაქის მეორე ნაწილს წყალი ვალის ტერიტორიიდან მიეწოდება.

„სათავე-ნაგებობები 24 საათის განმავლობაში იქლორება, გაწმენდით კი სეზონურად ვწმინდავთ“, – ამბობს სამცხე–ჯავახეთის რეგიონის სერვის–ცენტრის უფროსი ბესო ფილაური. მისივე თქმით, ამ ეტაპზე, ურავლის სათავე - ნაგებობაზე არანაირი ინფრასტრუქტურული პროექტი არ იგეგმება.

ფილაური ირწმუნება, რომ ურაველში წყლის ხარისხს რამდენიმე ორგანო ერთდროულად ამოწმებს: „წყლის ხარისხი, ყოველდღიურად, ახალციხის სერვის-ცენტრის ქიმიკოს–ლაბორანტის მიერ მოწმდება, კვირაში ორჯერ რეგიონის ქიმიკოსი ამოწმებს, თვეში ერთხელ კი – გაერთიანებული წყალმომარაგების სათაო ოფისის წარმომადგენელი და სურსათის ეროვნული სააგენტო“.



















[თორნიკე ზაზაძე, ახალციხე]