საფეხბურთო გუნდმა ‘სამცხემ’ პირველი ვარჯიში გამართა

„დღეს შევიკრიბეთ, პირველი ვარჯიში იყო. ჯერ სპეციალურ ვარჯიშებს ვაკეთებთ. შემდეგ ტრენაჟორებზე გადავალთ“, - ამბობს „სამცხეს“ მეკარე გელა ძამუნაშვილი.

მისივე თქმით, მარტის ბოლოს ახლადშექმნილი გუნდი რეგიონულ ლიგაში ითამაშებს.

„გუნდში იქნებიან გამოცდილი და ახალი ფეხბურთელები. იმედი გვაქვს, რომ პერსპექტიული და კარგი გუნდი ჩამოყალიბდება. მარტის ბოლოს დავიწყებთ რეგიონ ლიგაში თამაშს, მანამდე ამხანაგურებიც გვექნება. ყველაფერს ვიწყებთ ნულიდან“, - ამბობს ძამუნაშვილი.

„სამცხეში“ სულ 18 ფეხბურთელი იქნება. გუნდი ახალციხის მერიის დაფინანსებით ჩამოყალიბდა. მათ მიმდინარე წელს 54 000 ლარის დაფინანსება აქვთ.

[მარიამ ბარძიმაძე, ახალციხე]