ავარია ახალციხეში - დაშავებულებს შორის სამი მცირეწლოვანია

ავარიით დაშავებულები სასწრაფო დახმარების მანქანით კლინიკა „იმედში“ გადაიყვანეს. დაშავებულებს შორის სამი ბავშვია, მათ შორის ყველაზე მძიმედ რვა წლის გოგონაა, რომელიც თბილისში გადაიყვანეს.

„ჩვენთან 7–8 კაცი კი შემოიყვანეს, მაგრამ აქედან ერთ ბავშვს ჰქონდა სერიოზული დაზიანება ქალა-ტვინის ტრავმით, იგი თბილისში გავუშვით. სხვებს კი მცირე დაზიანებები ჰქონდათ. რვა წლის გოგონა ყველაზე მძიმედ დაშავდა“,- გვითხრეს კლინიკა „იმედში“.

შსს-მ გამოძება 276 მუხლის მეორე ნაწილით დაიწყო, რაც ტრანსპორტის მოძრაობის ან უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის მძიმე ან ნაკლებად მძიმე დაზიანება გამოიწვია.

[მარიამ ბარძიმაძე, ახალციხე]