მინი-ფეხბურთის ჩემპიონატის მოკრძალებული ფინალი

ფინალში ერთმანეთს იურიდიული და ჰუმანიტარული ფაკულტეტების სტუდენტები დაუპირისპირდნენ. შეხვედრა დღის 16:00 საათზე უნდა დაწყებულიყო, თუმცა, მოთამაშეების დაგვიანების გამო ნახევარი საათით შეყოვნდა. სააბოლოოდ, გუნდებმა შეხვედრა არასრული შემადგენლობით ჩაატარეს. მატჩი იურიდიული ფაკულტეტის გამარჯვებით, ანგარიშით - 7:4 დასრულდა.

ტურნირში 13 გუნდი მონაწილეობდა. გამარჯვებულ გუნდს გარდამავალი თასი, სიგელები და სამახსოვროთ წიგნები გადაეცა.

სტუდენტები აღნიშნული ტურნირის ცუდ ორგანიზებაზე საუბრობენ. მათი თქმით, ტურნირის დაწყებამდე, სტუდნეტებმა იცოდნენ, რომ ფინალისტი გუნდებისთვის ათასი ლარი იყო გამოყოფილი, საბოლოო ჯამში კი მათ მხოლოთ სიგელები და წიგნები გადაეცათ.

"არასწორი ინფორმაცია გავრცელდა. 2011 წელს დამფინანსებელი ჰყავდა ჩემპიონატს და უბრალოდ, წელსაც გაჩნდა მოლოდინი, რომ იქნებოდა ფულადი ჯილდო", - განგვიმარტეს უნივერსიტეტის სტუდენტურ თვითმმართველობაში.

გასული წლისგან განსხვავებით, წელს, ფინალური მატჩი დამსწრეებისა და გულშემატკივრების სიუხვითაც არ გამოირჩეოდა.

[ოთარ აწყურელი, ახალციხე]