ტემპერატურა –12 გრადუსამდე დაეცემა – კვირის ამინდის პროგნოზი

დღეს, 3 თებერვალს სამცხე–ჯავახეთში ღამით –1, –3 გრადუსი იქნება. ასევე უნალექო ამინდი შენარჩუნდება ახალქალაქში, ბაკურიანსა და ნინოწმინდაში. ჯავახეთში ღამით –3,–5 გრადუსი დაფიქსირდება.

4–5 თებერვალს არამდგრადი ამინდია მოსალოდნელი მთელს რეგიონში, 4 თებერვალს უმეტეს მუნიციპალიტეტში ითოვებს, ხოლო 5 თებერვალს ზოგიერთ მუნიციპალიტეტში. მაღალ მთაში მოსალოდნელია ქარბუქი, ჰაერის ტემპერატურა დაიკლებს.

ახალციხესა და ბორჯომში დღისით მინიმალური ტემპერატურა –4, –7 გრადუსია, ხოლო ღამით ყინვა მოიმატებს –7, –9 გადუსამდე. ნინოწმინდაში, ბაკურიანსა და ახალქალაქში –10, –12 გრადუსამდე ყინვა იქნება.

6 თებერვალს ჰაერის ტემპერატურა მოიმატებს, ახალციხესა და ბორჯომში დღის მაქსიმალური ტემპერატურა +8,+10 გრადუსი სითბოა მოსალოდნელი, ასევე მოიმატებს ტემპერატურა ბაკურიანსა და ახალქალაქში დღისით +3,+5 გრადუსი, ხოლო ნინოწმინდაში 0–დან, +2 გრადუსი სითბოა მოსალოდნელი.

7 თებერვლიდან სამცხე–ჯავახეთში ტემპერატურისდ მკვეთრი ვარდნაა მოსალოდნელი. დღის განმავლობაში უმეტეს მუნიციპალიტეტში ინტენსიურად ითოვებს, ხოლო რვა თებრვლიდან თოვა შესუსტდება და ყინვა გაძლიერდება.

ახალციხესა და ბორჯომში დღის მაქსიმალური ტემპერატურა 0 გრადუსი იქნება, ხოლო მაღალ მთაში 0 გრადუსს ქვემოთ დაეცემა.

[ნუკა სტეფნაძე, ახალციხე]