არალში გოგონებისთვის ძიუდოს კლუბი დაფუძნდა

ახალი კლუბი სოფელ არალში საქართველოს ძიუდოს ფედერაციის ხელშეწყობით დაარსდა. დარბაზში საჯარო სკოლის ბაზაზე განთავსდა და ქალთა ძიუდოს განვითარების მიზნით, მასში ძირითადად გოგონები ივარჯიშებენ. კლუბს ძიუდოისტი ქალი, არლის საჯარო სკოლის სპორტისა და ფიზიკური აღზრდის პედაგოგი, თამარ ჩანტლაძე უხელმძღვანელებს.

კლუბის ოფიციალურად გახსნას, საქართველოს ძიუდოს ფედერაციის პრეზიდენტი გიორგი ათაბეგაშვილი, სამცხე-ჯავახეთის მხარეში სახელმწიფო რწმუნებული ბესო ამირანაშვილი, ადიგენის მუნიციპალიტეტის მერი ზაქარია ენდელაძე და ადგილობრივი ხელისუფლების წარმომადგენლები დაესწრნენ.

ძიუდოს ფედერაციამ „სამცხეს“ საჩუქრად სავარჯიშო ტატამი, ხოლო ბავშვებს სავარჯიშო ფორმები - კიმონოები გადასცა.

დარბაზში გოგონებისთვის ვარჯიში უფასო იქნება. მათ სწავლებას ადიგენის მუნიციპალიტეტის მერია დააფინანსებს.



[თაკო ფეიქრიშვილი, ადიგენი]