‘მე მგონი ვიღაც აქტივისტობას იბრალებს’ –‘ლელო’ ბაკურიანში მომხდარ ინციდენტზე

„ჩვენი წარმომადგენელი არაა, საერთოდ არ გვყავს ზესტაფონში ეგეთი წარმომადგენელი. მე მგონი ვიღაცა იბრალებს. არ ვიცნობთ, არც მე და არც ჩემი კოლეგები“, - ამბობს კირვალიძე.

დღეს, 14 იანვარს ბაკურიანში „ქართული ოცნების“ დეპუტატს ანრი ოხანაშვილს სიტყვიერი შეურაცხყოფა მიაყენეს.

პარლამენტის წევრი, ბაკურიანის ერთ-ერთ რესტორანში, ოჯახთან ერთად ვახშმობდა, სადაც ერთ-ერთმა პირმა, ვახტანგ რობაქიძემ, მას შეურაცხყოფა მიაყენა.

ტელეკომპანია რუსთავი 2–ის ინფორმაციით, პიროვნება, რომელმაც ანრი ოხანაშვილს და მისი ოჯახის წევრებს შეურაცხყოფა მიაყენა, წარსულში რამდენჯერმე ნასამართლევი ვახტანგ რობაქიძეა, რომელიც ამჟამად "ლელოს" აქტივისტია.

შსს-ს ინფორმაციით, საქმე სისხლის სამართლის კოდექსის 151-ე მუხლით აღიძრა, რაც მუქარას გულისხმობს.

[მარიამ ბარძიმაძე, ბორჯომი]