სამცხე–ჯავახეთში 27 დეკემბრიდან თოვლია მოსალოდნელი

25–26 დეკემბერს ახალციხესა და ბორჯომში, დღის განმავლობაში, მზიანი და უნალექო ამინდი შენარჩუნდება. დღისით ტემპერატურა +13–დან +15 გრადუსამდე გაიზრდება, ხოლო ღამით 0–დან, –2 გრადუსამდე დაეცემა.

რეგიონის მასშტაბით, 26 დეკმბრის ჩათვლით უნალექო ამინდი შენარჩუნდება.

ბაკურიანში დღისით +11 გრადუსი იქნება, ხოლო ღამით –2 გრადუსი.

ახალქალაქში დღისით ტემპერატურა +8,+9 გრადუსამდე დათბება, ღამით კი –1 გრადუსი ყინვაა მოსალოდნელი.

ნინოწმინდაში ტემპერატურა +9 გრადუსამდე აიწევს, ხოლო ღამით –3 გრადუსი ყინვა იქნება.

27 დეკმბრიდან სამცხე–ჯავახეთში თოვლია მოსალოდნელი. 27–28 დეკემბერს ბორჯომსა და ახალციხეში ინტენსიურად ითოვებს. დღისით +1, +6 გრადუსი დაფიქსირდება, ღამით კი –3, –4 გრადუსი ყინვა.

ახალქალაქში, ბაკურიანსა და ნინოწმინდაში დღის განმავლობაში 0 გრადუსი იქნება, ღამით კი 0, –5 გრადუსი.

სამცხე–ჯავახეთის მთელს ტერიტორიაზე 29 დეკმბრიდან ტემპერატურა კლებას დაიწყებს, ღამით მოსალოდნელია –12 გრადუსი ყინვა.

[ნუკა სტეფნაძე, ახალციხე]