ახალციხელი დავით გასიტაშვილი ძალისმიერი სამჭიდის გამარჯვებულია

ჩემპიონატი 22 დეკემბერს, თელავში გაიმართა. გასიტაშვილმა 60 კილოგრამ წონით კატეგორიაში იასპარეზა და გამარჯვება მოიპოვა.

„შტანგის აწევაში გაიმარჯვა, უკვე მეორედ იყო ასეთ ჩემპიონატზე. უკვე ერთი წელია, რაც ამ სახეობაში ვარჯიშობს და წარმატებთ“, - ამბობს დავით გასიტაშვილის მამა ზაურ გასიტაშვილი.

დავითს მედალი და სიგელი პაუერლიფთინგის ფედერაციამ გადასცა. სპორტის ამ სახეობაში ეს დათოს პირველი წარმატება არ არის.

„ჩვენ გვაქვს მიზანი, რომ საერთაშორისო ასპარეზზე გავიდეთ. ამისთვის, აქ, საქართველოს ჩემპიონატზე ვიღებთ გამოცდილებას და გამოვდივართ რეგულარულად. მნიშვნელოვანია, რომ დათო ამ წარმატებას ყველა იმ ადამიანს უძღვნის, რომლებიც გულშემატკივრობდნენ ავარიის შემდეგ. ეს არის ერთგვარი მადლობა დათოსგან“, - ამბობს მწვრთნელი სპარტაკ თაქთაქიძე.

ჩემპიონატი, რომელიც ყოველწლიურად იმართება გიორგი რეხვიაშვილის სახელს ატარებს. ყოველწლიურად ტარდება საქართველოს ჩემპიონატისა და თასის ტურნირები.

[თაკო ფეიქრიშვილი, ახალციხე]