ცხინვალში ვაჟა გაფრინდაშვილის ე.წ. სასამართლო პროცესი მიმდინარეობს

დე ფაქტო ხელისუფლებამ ვაჟა გაფრინდაშვილს ე.წ. სახელმწიფო საზღვრის განზრახ დარღვევის ბრალდება წაუყენა რუსეთის სისხლის სამართლის კოდექსის 322-ე მუხლით, რომელიც ითვალისწინებს 200 000 რუბლით დაჯარიმებას, ორ წლამდე იძულებით სამუშაოებს, ან ორ წლამდე თავისუფლების აღკვეთას.

ე.წ. ლენინგორის სასამართლომ ვაჟა გაფრინდაშვილს ორთვიანი წინასწარი პატიმრობა 15 ნოემბერს შეუფარდა.

ექიმის გათავისუფლების საკითხი 10-11 დეკემბერს ჟენევის საერთაშორისო დისკუსიების მორიგი რაუნდის ერთ-ერთი მთავარი თემა იყო.

რუსეთის საგარეო საქმეთა მინისტრის მოადგილემ და ჟენევის დისკუსიებში რუსეთის ფედერაციის დელეგაციის წევრმა ანდრეი რუდენკომ ექიმ ვაჟა გადრინდაშვილზე საუბრისას განაცხადა, რომ „ეს ჰუმანიტარული საკითხია და ყველა ადამიანი ახალ წელს ოჯახთან ერთად უნდა შეხვდეს”.

რუსი სამხედროების მიერ ცხრა ნოემბერს დაკავებული ქართველი ექიმი საქართველოს ორთოპედ-ტრავმატოლოგთა საზოგადოების პრეზიდენტია.

მასალა მომზადებულია netgazeti.ge-ზე და radiotavisupleba.ge-ზე დაყრდნობით.

[sknews.ge]