'თეთრი ხალათების' აქცია ახალციხესა და ასპინძაში

დღეს, 18 ნოემბერს, ახალციხელი ექიმები ვაჟა გაფრინდაშვილის მხარდამჭერ აქციაზე გამოვიდნენ.

აქცია გაიმართა კლინიკა "იმედის" და ახალციხის რეფერალური ჰოსპიტალის ეზოში.

„თეთრი ხალათების“ აქციას ასპინძის საგანგებო სიტუაციების კორდინაციისა და გადაუდებელი დახმარების ასპინძის რაიონული სამსახურის თანამშრომლებიც შეუერთდნენ.

ცხინვალის დე ფაქტო სასამართლომ ცხრა ნოემბერს დაკავებულ ქართველ ექიმს, ვაჟა გაფრინდაშვილს, ორთვიანი პატიმრობა შეუფარდა. სასამართლო 15 ნოემბერს გაიმართა. რუსი სამხედროების მიერ ცხრა ნოემბერს დაკავებული ქართველი ექიმი საქართველოს ორთოპედ-ტრავმატოლოგთა საზოგადოების პრეზიდენტია.

“გაფრინდაშვილის მიმართ რუსეთის ფედერაციის სისხლის სამართლის კოდექსის 322-ე მუხლით [საზღვრის უკანონო კვეთა] დაიწყო გამოძიება.

დადგენილია, რომ საქართველოს მოქალაქემ განზრახ გადაკვეთა რესპუბლიკის სახელმწიფო საზღვარი”, – ნათქვამია სამხრეთ ოსეთის დე ფაქტო უშიშროების კომიტეტის განცხადებაში.



[sknews.ge]