ბაკურიანში ბუჩქნარი და ბალახი 30 ჰექტარზე დაიწვა

ფოტო: არქივი

ე.წ ფარეხების მიმდებარედ ხანძარი 23 ნოემბერს გაჩნდა. ბუჩქნარი და ბალახი 30 ჰექტარზე დაიწვა.

ხანძრის ლიკვიდაცია მეხანძრე–მაშველებმა ორი დღის შემდეგ, გუშინ, 25 ნოემბერს, საღამოს შეძლეს.

საგანგებო სიტუაციების მართვის სამსახურში გვითხრეს, რომ ხანძარი რთულ რელიეფზე იყო.

„ხანძრის ლიკვიდაცია გუშინ მოხდა. ცოცხალი ძალა ასპინძიდან და ახალციხიდანაც გვყავდა, თუმცა ტექნიკა ბორჯომის იყო“, – ამბობს ბორჯომის სახანძრო სამაშველო სამმართველოს უფროსი ლევან ხუციშვილი.

[მარიამ ბარძიმაძე, ბორჯომი]