ზანავთან ავარიისას დაშავებულებს საავადმყოფოდან გაწერენ

ავარიისას დაშავებულ სამ ადამიანს ბორჯომის საავადმყოფოში გამოკვლევები ჩაუტარეს. კლინიკის დირექტორის ირაკლი დიასამიძის თქმით, მათ სახლში დღესვე გაწერენ.

„დაშავებულებს მრავლობითი გარეგანი დაზიანებები აქვთ, მხოლოდ ერთ 60 წლამდე ქალს აქვს ნეკნის მოტეხილობა, თუმცა ამბულატორიულ მკურნალობას ექვემდებარება. რაც შეეხება არასრულწლოვანს ის კარგადაა“, – ამბობს დიასამიძე.

დღეს, 21 ნოემბერს, ბორჯომში, სოფელ ზანავთან მსუბუქი მანქანა ხევში გადავარდა. შემთხვევის შედეგად სამი ადამიანი დაშავდა, ერთ–ერთი არასრულწლოვანია. დაშავებულებს ბორჯომის საავადმყოფოში გამოკვლევები ჩაუტარდებათ.

[მარიამ ბარძიმაძე, ბორჯომი]