რუსთავთან ავარიისას დაშავებულ მცირეწლოვნებს იაშვილის კლინიკაში გამოკვლევები უტარდებათ

ექიმების განმარტებით, რვა წლის ბავშვის ჯანმრთელობის მდგომარეობა დამაკმაყოფილებელია და მას კლინიკაში დაკვირვების მიზნით დატოვებენ, რაც შეეხება ექვსი წლისას, მას ოპორაციას გაუკეთებენ.

„ექვსი წლის ბავშვის მდგომარეობა შემდერებით მძიმეა, მრავლობითი მოტეხილობით. როცა დასტაბილურდება მდგომარეობა ოპერაციას გავუკეთებთ, ლავიწის ძვლის მოტეხილობა აქვს. ნეიროქირურგიული ჩარევაც მოუწევს“,-გვითხრეს იაშვილში.

დღეს, 25 სექტემბერს ასპინძაში, სოფელ რუსთავთან ავარიის შედეგად ოთხი ადამიანი დაშავდა. მსუბუქი ავტომანქანა, სადაც ოჯახის ოთხი წევრი იმყოფებოდა, ტრაილერს შეეჯახა. ავტოსაგზაო შემთხვევა სოფელ რუსთავის მიმდებარედ მოხდა. როგორც კლინიკა "იმედში" განაცხადეს, ქალს ოპერაცია ჩაუტარდა, მამის მდგომარეობა შედარებით მსუბუქია.

[მარიამ ბარძიმაძე]