ახალქალაქი–თბილისის სამგზავრო მიკროავტობუსი ავარიაში მოყვა – დაშავდა სამი ადამიანი

შემთხვევა დღეს 10 აპრილს, შუადღეს მოხდა. დაშავებულები ბორჯომის საავადმყოფოში გადაიყვანეს.

„სამივე პაცინეტის მდგომარეობა დამაკმაყოფილებელია, მათ მცირე დაზიანებები და დაბეჟილობები აქვთ“, – გვითხრეს ბორჯომის საავადმყოფოში.

შინაგან საქმეთა სამინისტრომ გამოძიება სისხლის სამართლის კოდექსის 276–ე მუხლის მეორე ნაწილით დაიწყო, რაც ავტოსაგზაო მოძრაობის წესების დარღვევას გულისხმობს.

[მარიამ ბარძიმაძე, ბორჯომი]