სარალიძე დაკავებულია, პარლამენტთან მისი მხარდამჭერი აქცია დაიწყო

დღეს, ზაზა სარალიძე პარლამენტის შენობასთან კარვის გაშლის უფლება არ მისცეს, რასაც მისი მხრიდან სამართალდამცავების მიმართ აგრესია მოჰყვა. სამართალდამცველებმა იგი სსკ–ის 353-ე პრიმა მუხლით გათვალისწინებული დანაშაულის ჩდენისთვის დააკავეს. აღნიშნული მუხლი სამსახურეობრივი მოვალეობის შესრულების დროს პოლიციელზე თავდასხმას გულისხმობს. ბრალის დამტკიცების შემთხვევაში მას პატიმრობა ოთხიდან შვიდ წლამდე ემუქრება.

დაკავებულის მხარდასაჭერად პარლამენტის შენობასთან საპროტესტო აქცია მიმდინარეობს. აქციის ანონსი დღეს ფეისბუქზე გამოჩნდა, მისი ერთ–ერთი ორგანიზატორი სამოქალაქო აქტივისტი გიგა მაქარაშვილი იყო.

„იმოქმედე დღეს, ხვალ შეიძლება უკვე გვიანი იყოს! ზაზა სარალიძეს ოთხიდან წლამდე პატიმრობა ემუქრება. ჩვენი უმოქმედობა ახლა ძალადობრივი და უსამართლო სისტემის გამარჯვებაა ჩვენზე, საქართველოს რიგით, დაუცველ, წესიერ მოქალაქეებზე. ნუ დავტოვებთ ზაზა სარალიძეს მარტოს სასტიკი და ყრუ სისტემის წინაშე! ნუ იქნება სულ ერთი! მოდი საქართველოს პარლამენტთან და დაუჭირე მხარი მამას, რომელიც სისტემის უსამართლობის და არაადამიანურობის მსხვერპლი გახდა.“ – ნათქვამია ფეისბუქზე გამოქვეყნებულ პოსტში.

[sknews.ge]