შსს:კვიციანის ინციდენტს სამართლებრივი შეფასება მიეცემა

ინფორმაციას ამის შესახებ "ნეტგაზეთი" ავრცელებს. შსს-ში დამატებით კომენტარს არ აკეთებენ.

ინციდენტი მოხდა პარლამენტის შენობის წინ, სადაც “სირცხვილიას” აქცია მიმდინარეობს მთავრობის დამტკიცების პროცედურის პარალელურად.

ინციდენტში პატრიოტთა ალიანსის წევრი დეპუტატი ემზარ კვიციანი მონაწილეობდა. მას აქციის მონაწილეები “პუტინის მონას” ეძახდნენ. კვიციანმა აქციის მონაწილეებს აგინა და ფიზიკურადაც შეეხო.

საბოლოოდ დეპუტატი ტერიტორიიდან პოლიციამ გაიყვანა.

აქცია "სირცხვილია" პარლამენტის შენობასთან დილიდან მიმდინარეობს. აქციის მონაწილეებმა პარლამენტთან ცხვრები მიიყვანეს, რომლებიც მათი თქმით, „ქართული ოცნების“ დეპუტატებს განასახიერებენ.

პარლამენტის შენობაში, დეპუტატები მინისტრთა ახალი კაბინეთისათვის ნდობის გამოცხადების საკითხს განიხილავენ.

[sknews.ge]