უმრავლესობის სხდომის პარალელურად,'ოცნების' ოფისთან აქცია მიმდინარეობს

მთავარი → სიახლე, პოლიტიკა 16.11.2019

ოპოზიცია და სამოქალაქო აქტივისტები “ქართული ოცნების” ოფისთან საპროტესტო აქციას მართავენ. აქციის მონაწილეები „ქართული ოცნების“ ოფისის პიკეტირებას ცდილობენ.

უმრავლესობის სხდომის პარალელურად,'ოცნების' ოფისთან აქცია მიმდინარეობს

ფოტო: ნეტგაზეთი

„ქართული ოცნების“ ცენტრალურ ოფისთან საპროტესტო აქციის მონაწილეებსა და სამართალდამცველებს შორის შეხლა-შემოხლა მოხდა. აქციის ერთ-ერთმა მონაწილემ დანარჩენებს შენობის პიკეტირებისკენ მოუწოდა, რასაც დაპირისპირება მოჰყვა.

პოლიციის თანამშრომლებმა ცოცხალი კორდონის მეშვეობით ცენტრალურ ოფისთან მისასვლელი საავტომობილო გზა გადაკეტეს, საპროტესტო აქციის მონაწილეები კი მათ კორდონის გახსნისკენ მოუწოდებენ.

„ქართული ოცნების“ ცენტრალურ ოფისში უმრავლეობის სხდომა მიმდინარეობს.

მესამე დღეა თბილისში საპროტესტო აქციები მიმდინარეობს. ოპოზიცია და სამოქალაქო აქტივისტები მმართველი გუნდი მხრიდან, პროპორციულ საარჩევნო სისტემაზე გადასვლის კანონპროექტის ჩაგდებას აპროტესტებენ.

მასშტაბური აქცია თბილისში, ხვალ 17 ნოემბერს იგეგმება, რომელშიც მონაწილეობას სამცხე–ჯავახეთიდანაც მიიღებენ.

[sknews.ge]