რელიგიათა საბჭოს ანალიტიკური ჯგუფი სამცხე-ჯავახეთში არსებულ ვითარებას სწავლობს

ჯგუფის წევრებმა შეხვედრები ახალქალაქში, ახალციხესა და ადიგენში გამართეს.

„ახალქალაქში სომხური სამოციქულო ეკლესიის წარმომადგენლებს შევხდვით. სოფელ ჭელაში კი მუსლიმ და ქრისტიან მოსახლეობას. ანალიტიკური ჯგუფი არსებულ ვითარებას მოხსენებაში ასახავს და რეკომენდაციას გაუწევს რელიგიათა საბჭოს, როგორ იმოქმედონ სხვადასხვა რელიგიურმა ორგანიზაციებმა პრობლემების მოსაგვარებლად“, - ამბობს სახალხო დამცველის აპარატთან არსებული ტოლერანტობის ცენტრის ხელმძღვანელი ბექა მინდიაშვილი.

ჯგუფის წევრები ახალციხეში მედიისა და არასამთავრობო სექტორის წარმომადგენლებს შეხვდნენ. შეხვედრა, რომლის ძირითადი თემა ჭელაში განვითარებული მოვლენები იყო, ორგანიზაცია „დემოკრატ მესხთა კავშირის“ საკონფერენციო დარბაზში გაიმართა. შეხვედრის დასრულების შემდეგ ბექა მინიდაშვილმა აღნიშნა, რომ სახალხო დამცველი ჭელის შემთხვევას ჯერ ისევ სწავლობს.

[sknews.ge]