ტოლერანტობის ცენტრის წარმომადგენლების შეხვედრა სამცხე–ჯავახეთის სამოქალაქო სექტორთან

შეხვედრა დღეს, 15 დეკემბერს, არასამთავრობო ორგანიზაცია „დემოკრატ მესხთა კავშირის“ ოფისში გაიმართა. საუბრის მთავარი თემა, ადიგენის სოფელ მოხეში არსებული სადვო შენობა და მასთან დაკავშირებული კონფლიქტი იყო. ტოლერანტობის ცენტრის ხელმძღვანელი ბექა მინდიაშვილი დაინტერესდა თუ რა როლი აქვს, ადგილობრივ ხელისუფლებას, ასევე მუსლიმ და მართლმადიდებელ სასულიერო პირებს პრობლემის მოგვარებაში. ასევე რა გზები შეიძლება გამოიძებნოს იმისათვის, რომ კონფლიქტი მშვიდობიანად მოგვარდეს.

ადგილობრივი არასამთავრობო ორგანიზაციები ფიქრობენ, რომ პრობლემის მოგვარების ერთ-ერთი გზა, სასულიერო პირების გარეშე, მუსლიმი და მართლმადიდებელი მოსახლეობის მოლაპარაკებებია. ასევე ისინი ფიქრობენ, რომ კომპეტენტური კადრებია იმისათვის საჭირო , რომ მოსახლეობას პრობლემის მოგვარების გზები აჩვენონ.

„შეხვედრა ძალიან კარგი იყო, რადგან, მოხის მოვლენები ერთ-ერთი დიდი გამოწვევაა რეგიონის წინაშე, ჩვენს ვიმსჯელეთ ამ პრობლემის გადაჭრის გზებზე“, - ამბობს ნინო ლომიძე.

იმ შემთხვევაში თუ სადავო შენობასთან დაკავშირებულ პრობლემებს თავად მოსახლეობა ვერ მოაგვარებს, არასამთავრობო ორგანიზაციები შიშობენ, რომ კონფლიქტი უფრო მწვავე სახეს მიიღებს.

სახალხო დამცველთან არსებული ტოლერანტობის ცენტრის წარმომადგენლები დაინტერსედნენ, როგორი დამოკიდებულება აქვთ დაპირისპირებულ მხარეებს ადგილობრივ მედიასთან. ცენტრის ხელმძღვანელის ბექა მინიაშვილის თქმით, მსაგვსი სახის შეხვედრები მათ ეხმარება პრობლემები უკეთ გააანალიზონ და ამის მიხედვით სახელმწიფო უწყებებს რეკომენდაციები შესთავაზონ.

„ეს შეხვედრები მოგვცემს საშუალებას უფრო ღრმად გავიაზროთ პრობლემები, ამ ეტაპზე აქ მთავარი მუსლიმებსა და ქრისტიანებს შორის არსებული პრობლეემაა, რომლის შესახებაც რეკომენდაციები უნდა მოვამზადოთ”, - განაცახადა ბექა მინდიაშვილმა.

მსგავსი სახის შეხვედრები ტოლერანტობის ცენტრმა უკვე გამართა ახალქალაქში.

[ლუბა გიორგაძე, ახალციხე]