ისტორიის საუკეთესო მასწავლებლის ვინაობა ცნობილია

საუკეთესო ისტორიის მასწავლებლის გამოსავლენად ფინალი დღეს, 23 ოქტომბერს თბილისში მასწავლებლის სახლში გაიმართა.

ოთხ საუკეთესო ისტორიის მასწავლებელს შორის, ბორჯომიდან სოფელ ყვიბისის საჯარო სკოლის ისტორიის მასწავლებელი ბაკურ გელაშვილიც იყო. რომელსაც კონკურსის ორგანიზატორებმა საჩუქრად პროფესიული წიგნები გადასცეს.

„ოთხ საუკეთესო პედაგოგს შორის მოვხვდი, ეს უკვე გამარჯვებაა. თუ კიდევ იქნება მსგავსი კონკურსები მონაწილეობას აუცილებლად მივიღებ“, - განაცხადა ბაკურ გელაშვილმა.

მასწავლებელთა პროფესიული განვითარების ეროვნული ცენტრი კონკურსს „საუკეთესო მასწავლებელი“ ყოველწლიურად, სხვადასხვა სპეცილობის მასწავლებლებისთვის ატარებს.

კონკურსის მიზანია, მასწავლებლის პროფესიის პოპულარიზაციის, პრესტიჟის ზრდის, წარმატებული პედაგოგიური პრაქტიკის გამოვლენისა და საზოგადოებისათვის საუკეთესო მასწავლებელთა წარდგენა.

ისტორიის პედაგოგის გარდა, კონკურსი ეტაპობრივან სხვადასხვა საგნის მასწავლებლებისთვისაც ჩატარდება. კონკურსში მონაწილეობა შეუძლია საქართველოს ზოგადსაგანმანათლებლო საჯარო და კერძო სკოლების უფროს, წამყვან და მენტორ მასწავლებლებს ასაკისა და პედაგოგიური სტაჟის მიუხედავად.

კონკურსში მონაწილეობა ნებაყოფლობითია და პედაგოგი თვითონ წარადგენს საკუთარ თავს კანდიდატად.
[ლუბა გიორგაძე, ბორჯომი]