ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

მასწავლებელთა პროფესიული განვითარების ეროვნული ცენტრი კონკურსს „საუკეთესო მასწავლებელი“ ყოველწლიურად, სხვადასხვა სპეცილობის მასწავლებლებისთვის ატარებს.

კონკურსის მიზანია, მასწავლებლის პროფესიის პოპულარიზაციის, პრესტიჟის ზრდის, წარმატებული პედაგოგიური პრაქტიკის გამოვლენისა და საზოგადოებისათვის საუკეთესო მასწავლებელთა წარდგენა.

როგორც კონკურსის მონაწილე ბაკურ გელაშვილი ამბობს დაჯილდოება 23 ოქტომბერს, თბილისში მასწავლებლის სახლში გაიმართება, სადაც ოთხიდან ერთი საუკეთესო ისტორიის მასწავლებელი გამოვლინდება.

„გადავწყვიტე რომ წელს ამ კონკურსში ჩავრთულიყავი, ჩამოსულები იყვნენ კიდეც მესწრებოდნენ გაკვეთილზე და დღეს დამირეკეს, მითხრეს, რომ ოთხ საუკეთესო პედაგოგს შორის ვიყავი და დაჯილდოებას უნდა დავსწრებოდი“, - გვითხრა ბაკურ გელაშვილმა.

ისტორიის პედაგოგის გარდა, კონკურსი ეტაპობრივან სხვადასხვა საგნის მასწავლებლებისთვისაც ჩატარდება. კონკურსში მონაწილეობა შეუძლია საქართველოს ზოგადსაგანმანათლებლო საჯარო და კერძო სკოლების უფროს, წამყვან და მენტორ მასწავლებლებს ასაკისა და პედაგოგიური სტაჟის მიუხედავად.

კონკურსში მონაწილეობა ნებაყოფლობითია და პედაგოგი თვითონ წარადგენს საკუთარ თავს კანდიდატად.

[ლუბა გიორგაძე, ბორჯომი]