მესხეთის თეატრს უკრაინული დასი ეწვევა

სპექტაკლები 19:00 საათზე დაიწყება. წარმოდგენები რუსულ ენაზე იქნება. როგორც მესხეთის თეატრის სამხატვრო ხელმძღვანელმა ლია სულუაშვილმა გვითხრა, კამენსკის თეატრს ჯერ კიდევ დრამატურგიის ფესტივალზე სურდა ჩამოსვლა, თუმცა ვერ მოხერხდა, ახლა კი მოიწვიეს.

სპექტაკლების დამდგმელი რეჟისორი ლინას ზაიკაუსკასია.

„17 კაციანი დასი ჩამოდის, დრამატურგიის ფესტივალზე უნდოდათ ჩამოსვლა, მაგრამ ვეღარ ჩავსვით. თან აინტერესებთ ჩვენი ქვეყანა და კუთხე და ჩამოდიან. მოვიწვიეთ, ვაფორმებთ მემორანდუმს შემდგომი ურთიერთობისათვის“, – ამბობს სულუაშვილი.

ბილეთის ფასი სამი ლარია.

[მარიამ ბარძიმაძე, ახალციხე]