ახალციხეში ექვს საცხოვრებელ კორპუსს რეაბილიტაცია ჩაუტარდება

ახალციხეში საცხოვრებელი სახლების ფასადების, სადარბაზოებისა და მიმდებარე ინფრასტრუქტურის რეაბილიტაციისათვის 884 804 ლარი გამოიყო. აღნიშნული თანხის 95% რეგიონული განვითარების ფონდიდან, 5% კი ადგილობრივი ბიუჯეტიდან გამოიყოფა.

კორპუსების სარეაბილიტაციო სამუშაოები ხელშეკრულების გაფორმებიდან 16 კვირაში დასრულდება. შესრულებული სამუშაოების საგარანტიო ვადა ხუთი წელი იქნება.

ტენდერში მონაწილეობის მსურველთათვის წინადადებების მიღება შვიდ თებერვალს დაიწყება.

სატენდერო დოკუმენტების რეაბილიტაცია შემდეგ კორპუსებს ჩაუტარდება:

რუსთაველის ქუჩა - N95 და N105

თამარაშვილის ქუჩა - N7 და N5

ცხრა აპრილის ქუჩა - N3

ასპინძის ქუჩა - N30

[თორნიკე ზაზაძე, ახალციხე]