შსს–მ ახალციხეში ფულის თაღლითურად მითვისებისთვის ორი პირი დააკავა

ჩადენილი დანაშაული 6-დან 9 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულები მიმდინარე წლის 8 ოქტომბერს, ახალციხეში, ერთ-ერთ რესტორანში მოტყუებით, თაღლითურად დაეუფლნენ მოქალაქის კუთვნილ დიდი ოდენობით თანხას - 3 500 ევროს.

სამართალდამცველებმა ორივე პირი მომხდარიდან რამდენიმე საათში, ცხელ კვალზე დააკავეს. პოლიციამ თაღლითურად დაუფლებული თანხის ნაწილი ნივთმტკიცებად ამოიღო.

გამოძიება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით მიმდინარეობს, რაც დიდი ოდენობით ჩადენილ თაღლითობას გულისხმობს.

[sknews.ge]