ახალქალაქში ტრაქტორის ქურდობისთვის ორი პირი დააკავეს

ჩადენილი დანაშაული 4-დან 7 წლამდე თავისუფლების აღკვეთას ითვალისწინებს.

გამოძიებით დადგინდა, რომ ბრალდებულებმა ახალქალაქის მუნიციპალიტეტის სოფელ მურჯახეთში მცხოვრები ერთ-ერთი მოქალაქის კუთვნილი ტრაქტორიდან სათადარიგო ნაწილები მოიპარეს. სამართალდამცველებმა ორივე პირი, მოსამართლის განჩინების საფუძველზე, ახალქალაქში დააკავეს.

გამოძიება ჯგუფურად ჩადენილ ქურდობის ფაქტზე, სისხლის სამართლის კოდექსის 177-ე მუხლის მე-2 ნაწილის „ა“ და „ბ“ ქვეპუნქტებით, ასევე, ამავე მუხლის მე-3 ნაწილის „ა“ ქვეპუნქტით მიმდინარეობს.

[sknews.ge]