ახალციხის რაიონულ სასამართლოს ახალი მოსამართლეები ეყოლება

ახალციხის რაიონულ სასამართლოში სამი მოსამართლეა დანიშნული, რომლებიც ამავდროულად მაგისტრატი მოსამართლეებიც არიან. ბორჯომის მაგისტრატ სასამართლოში მოსამართლედ ლუიზა თოდუაა დანიშნული, ადიგენისა და ასპინძის მაგისტრატ სასამართლოებში მოსამართლეზე დაკისრებულ ვალდებულებას გია ბერაია და მარიკა ჩიტაშვილი ახორციელებენ.

საქართველოს იუსტიციის უმაღლესი საბჭოს ინფორმაციით, სასამრთლო გადატვირთულია და საჭიროებს მოსამართლეების დანიშვნას.

„არა მხოლოდ ახალციხის რაიონული სასამართლო, არამედ მთელი სასამართლო სისტემა საჭიროებს მოსამართლეების დამატებას“, – აცხადებენ საქართველოს იუსტიციის უმაღლეს საბჭოში.

საერთო სასამართლოს მოსამართლედ შეიძლება დაინიშნოს (აირჩეს) საქართველოს ქმედუნარიანი მოქალაქე 30 წლის ასაკიდან, თუ მას აქვს უმაღლესი, დოქტორის ხარისხის იურიდიული განათლება. სპეციალობით მუშაობის სულ ცოტა 5 წლის გამოცდილება, ფლობს სახელმწიფო ენას, ჩაბარებული აქვს მოსამართლის საკვალიფიკაციო გამოცდა, გავლილი აქვს იუსტიციის უმაღლესი სკოლის სასწავლო კურსი და შეყვანილია იუსტიციის მსმენელთა საკვალიფიკაციო სიაში.

[თორნიკე ზაზაძე, ახალციხე]