ვალეში, დაზიანებული სარწყავი არხის რეაბილიტაცია მომავალ წელს დაიწყება

ქალაქ ვალის ტერიტორიაზე, ე.წ. „მოკრულის“ მონაკვეთზე, დაზიანებული სარწყავი არხი მერიის წარმომადგენლებმა, სპეციალისტებმა და ადგილობრივმა მოსახლეობამ დაათვალიერეს და პრობლემა შეისწავლეს.

„ამ ეტაპისთვის, რთული რელიეფის გამო, არხის გაწმენდითი სამუშაოები არ არის მიზანშეწონილი. მიმდინარეობს დაზიანებული მონაკვეთის სამუშოების პროექტირება, რათა, 2020 წლის გაზაფხულზე, შესაძლებელი იყოს არხის აღდგენითი სამუშაოების წარმოება“, – ნათქვამია მერიის წერილში, რომელიც თამუნა უჩიძეს, „საერთშორისო გამჭირვალობა საქართველოს“ რეგიონულ კოორდინატორს, მისწერეს.

არასამთავრობო ორგანიზაციის ყურადღება სარწყავი არხის პრობლემამ მას შემდეგ მიიქცია, რაც მიმდინარე წლის აგვისტოში მოსახლეობამ „საერთაშორისო გამჭირვალობა საქართველოს“ რეგიონულ ოფისს მიმართა.

ამავე თემაზე იხილეთ:

ვალეში, მოსახლეობა ძველი სარწყავი წყლის სისტემის რეაბილიტაციას ითხოვს

[თორნიკე ზაზაძე, ახალციხე]