'ციკლოპური' ციხეების არქეოლოგიური კვლევისთვის ტენდერში გამარჯვებული ცნობილია

ფოტო: © გოდერძი ნარიმანიშვილი

მეგალითური კომპლექსების ტოპოარქეოლოგიური კვლევისთვის გამოცხადებული ტენდერის გამარჯვებული „სიძველეთა დაცვისა და შესწავლის ცენტრი - თრიალეთია“. ცენტრმა კულტურული მემკვიდრეობის დაცვის ეროვნული სააგენტოს მიერ გამოცხადებულ ტენდერში, 38 134 ლარად გაიმარჯვა.

ცენტრთან ხელშეკრულება ორ სექტემბერს გაფორმდა. სამუშაოები სრულად სახელმწიფო ბიუჯეტიდან ფინანსდება.

„სამხრეთ საქართველოს გამორჩეული მეგალითური კომპლექსების (აბული, შაორი, ავრანლო და სამება) ტოპოარქეოლოგიური კვლევა გადაუდებელი და საშური საქმეა“, - განმარტებულია სატენდერო დოკუმენტებში.

აქვე ნათქვამია, რომ „საქართველოს ისტორიული მხარეებიდან ყველაზე უკეთაა შესწავლილი თრიალეთის და ჯავახეთის „ციკლოპური“ სიმაგრეები და ნამოსახლარები. არქეოლოგიური გათხრებიც პრაქტიკულად ამ რეგიონშია მხოლოდ ჩატარებული. მიუხედვად იმისა, რომ რეგიონის ბევრი მეგალითური ძეგლი აღიწერა და სადაზვერვო არქეოლოგიური სამუშაოებიც ჩატარდა, ამ კვლევებს მაინც არასისტემური ხასიათი და ჰქონდა, რაც ართულებს ამ ტიპის ძეგლების სრულყოფილ კვლევას“.

[თაკო ფეიქრიშვილი, ახალქალაქი]