პარლამენტთან აქციის დაშლის დროს რამდენიმე ადამიანი დაშავდა

ფოტო: on.ge

სპეცრაზმმა პარლამენტის მიმდებარე ტერიტორია თითქმის სრულად დაიკავა. ისინი შენობის წინ განთავსებულ კარვებს იღებენ. ტელეკომპანია "პირველის" ინფორმაციით, საზოგადოებრივი მოძრაობა „სირცხვილიას“ მონაწილეები გიგა მაქარაშვილი და ზუკა ბერძენიშვილი დაკავებულები არიან. შს სამინისტრო მათ დაკავებას არ ადასტურებს.

სპეცრაზმმა აქციის მონაწილეების დასაშლელად წყლის ჭავლი რამდენჯერმე გამოიყენა. მანამდე სამართალდამცველებმა აქციის მონაწილეებს პიკეტირების შესაწყვეტად 30 წუთი მისცა.
17 ნოემბერს, ღამე აქციის მონაწილეებმა და ოპოზიციის წარმომადგენლებმა პარლამენტის შესასვლელები ტომრებით ჩაკეტეს, მანამდე კი პარლამენტის ჭიშკარს ბოქლომი დაადეს. დღეს, 18 ნოემბერს დილით კი პარლამენტში დეპუტატები არ შეუშვეს. რუსთაველის გამზირი მეორე დღეა აქციის გამო გადაკეტილია.

[sknews.ge]