მაგიური მადათაფა [ვიდეო]

ტბა მადათაფა ნინოწმინდის მუნიციპალიტეტში მდებარეობს, ზღვის დონიდან 2108 მ სიმაღლეზე.

წყალი სუსტად მინერალიზებულია. ტბას მცირე სამეურნეო მნიშვნელობა აქვს, მასში თევზი არ არის, თუმცა ზაფხულობით მრავლადაა წყლის ფრინველი. ტბის ნაპირები დაბალია და წყლის მოყვარული მცენარეულობით არის დაფარული.

წლის თბილ პერიოდში ტბაზე დიდი რაოდენობით იყრის თავს წყალხმელეთა გადამფრენი ფრინველი. მადათაფის ირგვლივ გაშენებულია სოფლები: ეფრემოვკა, ჟდანოვაკანი და სამება.

ტბა თოვლის, წვიმისა და მიწისქვეშა წყლით საზრდოობს. აქედან გაედინება მდინარე მადათაფა, რომელიც მდინარე ბუღდაშენს მარჯვენა მხრიდან ერთვის. აქვს მიწისქვეშა განადენიც, რის გამოც დონე მკვეთრად ირყევა. წყლის ტემპერატურა ზაფხულში 17-18°C, ზამთრობით თითქმის ფსკერამდე იყინება.

[sknews.ge]