აბასთუმანში მშენებლობაზე დაშავებული მუშა საავადმყოფოდან გაწერეს

ახალციხის რეფერალური ჰოსპიტალის ინფორმაციით, შუახნის კაცი საავადმყოფოდან დღეს, ოთხ სექტემბერს დილით გაეწერა. ჰოსპიტალის დირექტორის ხათუნა კეკელაშვილის თქმით, კაცს წელის არეში დაჟეჟილობა აღენიშნებოდა: „თავზე დამცავი ჩაფხუტი ეხურა, ამიტომ ტრავმას რაც საგნის დაცემის შედეგად მიიღო, არანაირი შედეგი გამოუწვევია. მას წელის მიდამოში ჰქონდა მსუბუქი დაჟეჟილობა, ექიმების რამდენიმე საათიანი დაკვირვების შემდეგ, გავწერეთ“, – განმარტა „სამხრეთის კარიბჭესთან“ ხათუნა კეკელაშვილმა.

აღობილში, შემთხვევა გუშინ, სამ სექტემბერს მოხდა. სასტუმროს მშენებლობაზე დასაქმებულ შუახნის კაცს სამშენებლო მასალა დაეცა.
შსს–ში ძიება 240–ე მუხლის პირველი ნაწილით დაიწყო.

[ლუბა გიორგაძე, ადიგენი]